പശുവിനെ മേയ്ക്കുന്നതിനിടെ ഭാര്യയുടെ കഴുത്തറുത്ത് ഭർത്താവ്; ഭാര്യ തീവ്ര പരിചരണത്തിൽ

പാലക്കാട് – പശുവിനെ മേയ്ക്കാൻ പോയ ഭാര്യക്കു നേരെ അട്ടപ്പാടിയിൽ ഭർത്താവിന്റെ വധശ്രമം. കോട്ടമല സ്വദേശിനി രങ്കമ്മയെ ഭർത്താവ് മല്ലീശ്വരനാണ് കഴുത്തറുത്ത് കൊലപ്പെടുത്താൻ ശ്രമിച്ചത്. രാവിലെ പശുവിനെ മേയ്ക്കാൻ ഇരുവരും പറമ്പിൽ പോയപ്പോഴായിരുന്നു ആക്രമണം.
പശുവിനെ മേയ്ക്കുന്നതിനിടെ രങ്കമ്മയുടെ കഴുത്തറുക്കാനായിരുന്നു മല്ലീശ്വരന്റെ ശ്രമം. നിവിളി കേട്ട് ഓടിയെത്തിയ പ്രദേശവാസികൾ പരുക്കേറ്റ രങ്കമ്മയെ ഉടനെ കോട്ടത്തറ ട്രൈബൽ സ്‌പെഷാലിറ്റി ആശുപത്രിയിൽ എത്തിക്കുകയായിരുന്നു. ഇവർ തീവ്ര പരിചരണ വിഭാഗത്തിൽ ചികിത്സയിലാണിപ്പോൾ. മുമ്പ് രണ്ടു തവണ ഇയാൾ സ്വന്തം കഴുത്ത് മുറിച്ചിട്ടുണ്ട്. ഇയാൾക്ക് മാനസികാസ്വാസ്ഥ്യമുള്ളതായി ബന്ധുക്കൾ പറഞ്ഞു. പ്രതിയെ കസ്റ്റഡിയിൽ എടുത്തതായി അഗളി പോലീസ് പറഞ്ഞു.