കനത്ത മഴയിൽ പള്ളിയുടെ ചുറ്റുമതിലും കല്ലറയും തകർന്ന് മൃതദേഹം പെട്ടിയോടെ പുറത്ത്

പത്തനംതിട്ട – കനത്ത മഴയ്ക്കിടെ പത്തനംതിട്ടയിൽ പളളി സെമിത്തേരിയുടെ ചുറ്റുമതിൽ തകർന്ന് കല്ലറ പൊളിഞ്ഞ്, മൃതദേഹം പെട്ടിയോടെ പുറത്തുവന്നു. പത്തനംതിട്ട പുറമറ്റം കവുങ്ങുംപ്രയാർ മർത്തോമ്മ പളളി സെമിത്തേരിയുടെ മതിലാണ് തകർന്നത്. വ്യാഴാഴ്ച രാത്രിയാണ് സംഭവം.
കല്ലറയ്ക്ക് കേടുപാട് പറ്റിയെന്നു സമ്മതിച്ച പളളി അധികൃതർ ശവപ്പെട്ടി പുറത്തുവന്നുവെന്ന വിവരം നിഷേധിച്ചു. ശവപ്പെട്ടി പിന്നീട് മറ്റൊരിടത്തേയ്ക്ക് മാറ്റി.