റിയാദ്- ഏറെ കാലം നീണ്ട മുറവിളിക്ക് ശേഷം റിയാദില്‍ നിന്ന് തിരുവനന്തപുരത്തേക്ക് നേരിട്ട് വിമാനസര്‍വീസ് വരുന്നു. എയര്‍ ഇന്ത്യ എക്‌സ്പ്രസ് ആണ് റിയാദില്‍ നിന്ന് തിരുവനന്തപുരത്തേക്കും തിരിച്ചും സര്‍വീസ് നടത്തുന്നത്.
സെപ്തംബര്‍ ഒമ്പത് മുതലാണ് സര്‍വീസ് നിശ്ചയിച്ചിരിക്കുന്നത്. പിന്നീടുള്ള എല്ലാ തിങ്കളാഴ്ചകളിലും സര്‍വീസ് തുടരും. വൈകുന്നേരം 5.55ന് തിരുവനന്തപുരത്ത് നിന്ന് പുറന്നുയരുന്ന വിമാനം റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തില്‍ രാത്രി 10.40ന് ലാന്റ് ചെയ്യും. 11.40ന് തിരിച്ച് തിരുവനന്തപുരത്തേക്ക് പറക്കും. രാവിലെ 7.30ന് തിരുവനന്തപുരത്തെത്തും.
തിരുവനന്തപുരവുമായി അടുത്ത് നില്‍ക്കുന്ന പ്രദേശത്തെ പ്രവാസികള്‍ക്ക് ഈ സര്‍വീസ് ഏറെ ഗുണം ചെയ്യും. നേരത്തെ മറ്റു വിമാനത്താവളങ്ങളായിരുന്നു ഇവര്‍ ആശ്രയിച്ചിരുന്നത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group