മോഹൻലാലിന് മമ്മൂട്ടിയുടെ പിറന്നാൾ ചുംബനം…

മലയാള സിനിമയിലെ പകരം വെയ്ക്കാനില്ലാത്ത രണ്ട് നടന വിസ്മയങ്ങളാണ് മോഹൻലാലും മമ്മൂട്ടിയും. ഇതിൽ മോഹൻലാലിന് ഇന്ന് പിറന്നാളാണ്.
പിറന്നാൾ ദിനത്തിൽ ചുംബന ആശംസകൾ നേർന്നിരിക്കുകയാണ് മമ്മൂട്ടി. തിങ്കളാഴ്ച്ച രാത്രി 12 മണിക്കുതന്നെ മമ്മൂട്ടി ലാലിന് പിറന്നാൾ ആശംസകൾ അറിയിച്ച് ഫേസ്ബുക്കിൽ പോസ്റ്റിടുകയായിരുന്നു. മോഹൻലാലിനെ ചേർത്തുനിർത്തി കവിളിൽ ചുംബിക്കുന്ന ചിത്രമാണ് മമ്മൂട്ടി പങ്കുവെച്ചത്. സമൂഹമാധ്യമത്തിൽ ഇതിന് വൻ പ്രതികരണമാണ് ലഭിച്ചുകൊണ്ടിരിക്കുന്നത്.
അമ്പതിലേറെ ചിത്രങ്ങളിൽ മമ്മൂട്ടിയും മോഹൻലാലും ഒരുമിച്ച് അഭിനയിച്ചിട്ടുണ്ട്. മമ്മൂട്ടിയുടെ ടർബോയാണ് അടുത്ത് റിലീസിന് ഒരുങ്ങുന്ന ചിത്രം. ഈമാസം 23-നാണ് ടർബോ കേരളത്തിൽ എത്തുക. പൃഥ്വിരാജിന്റെ സംവിധാനത്തിലൊരുങ്ങുന്ന എമ്പുരാൻ, മോഹൻലാലിന്റെ തന്നെ ആദ്യ സംവിധാനം ബറോസും അണിയറയിലാണ്.