(താമരശ്ശേരി) കോഴിക്കോട്: താമരശ്ശേരിയിൽ യുവതിയെ നഗ്ന പൂജയ്ക്ക് നിർബന്ധിച്ചെന്ന പരാതിയിൽ ഭർത്താവിനെയും സുഹൃത്തിനെയും പോലീസ് അറസ്റ്റ് ചെയ്തു. താമരശ്ശേരി അടിവാരം മേലെ പൊടിക്കൈയിൽ പി.കെ പ്രകാശൻ(46), യുവതിയുടെ ഭർത്താവ് ഷമീർ(40) എന്നിവാണ് അറസ്റ്റിലായത്.
കുടുംബ പ്രശ്നം പരിഹരിക്കാനും അഭിവൃദ്ധിക്കും വേണ്ടി യുവതിയോട് നഗ്നപൂജ നടത്താൻ ആവശ്യപ്പെട്ടു എന്നാണ് പരാതിയിലുള്ളത്. ഇഷ്ടപ്പെട്ടതെല്ലാം നേടിയെടുക്കാൻ നഗ്നപൂജയിലൂടെ സാധിക്കുമെന്ന് തെറ്റദ്ധരിപ്പിച്ച് കാര്യം നേടാനാണ് ശ്രമിച്ചത്.
ഇതിന് യുവതി വഴങ്ങിയില്ല. പിന്നീട് വീണ്ടും വീണ്ടും നിർബന്ധിച്ചപ്പോൾ ശല്യം സഹിക്കവയ്യാതെയാണ് പോലീസിനെ സമീപിച്ചതെന്ന് യുവതി പറഞ്ഞു.
പ്രകാശൻ പൂജയുടെ കാർമികനായാണ് എത്തിയിരുന്നത്. പ്രതികളെ കോടതിയിൽ ഹാജറാക്കി റിമാൻഡ് ചെയ്തു. സംഭവത്തിൽ കൂടുതൽ അന്വേഷണം നടത്തിവരികയാണെന്ന് പോലീസ് പ്രതികരിച്ചു.