മലപ്പുറം: തിരൂരിൽ ട്രെയിനിൽ നിന്ന് വീണ് യുവാവ് മരിച്ചു. കോഴിക്കോട് ബേപ്പൂർ സ്വദേശി അരുൺ (25) ആണ് മരിച്ചത്. ഷൊർണൂർ കോഴിക്കോട് പാസഞ്ചർ ട്രെയിനിൽനിന്ന് ഇന്നലെ രാത്രിയാണ് സംഭവമെന്ന് പോലീസ് പറഞ്ഞു.
ഷൊർണൂരിൽ നിന്ന് കോഴിക്കോട്ടേക്കുള്ള യാത്രയ്ക്കിടെ, തിരുന്നാവയ്ക്കും തിരൂരിനും ഇടയിലുള്ള സ്ഥലത്ത് വെച്ച് യുവാവ് ട്രെയിനിൽനിന്ന് അബദ്ധത്തിൽ പാളത്തിൽ വീഴുകയായിരുന്നുവെന്നാണ് യാത്രക്കാരുടെ മൊഴിയെന്ന് പോലീസ് പറഞ്ഞു. തുടർന്ന് യാത്രക്കാർ ആർ.പി.എഫിനെ വിവരം അറിയിക്കുകയായിരുന്നു.
നാട്ടുകാരും ആർ.പി.എഫും ചേർന്ന് യുവാവിനെ ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം തിരൂരിലെ ജില്ലാ ആശുപത്രി മോർച്ചറിയിൽ.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group