കൊച്ചിയിലെ അനാശാസ്യ കേന്ദ്രത്തിന്റെ നടത്തിപ്പിൽ രണ്ട് പോലീസുകാർക്ക് പങ്ക്; എ.എസ്.ഐമാർ അറസ്റ്റിൽ

കൊച്ചി: അനാശാസ്യ കേന്ദ്രത്തിന്റെ നടത്തിപ്പിൽ പങ്കുള്ള രണ്ട് പോലീസുകാരെ കൊച്ചിയിൽ അറസ്റ്റ്‌ചെയ്തു. ട്രാഫിക് ഈസ്റ്റ് സ്റ്റേഷനിലെ എ.എസ്.ഐ രമേശൻ, പാലാരിവട്ടം സ്റ്റേഷനിലെ എ.എസ്.ഐ ബ്രിജേഷ് എന്നിവരെയാണ് കടവന്ത്ര പോലീസ് അറസ്റ്റ് ചെയ്തത്.

കഴിഞ്ഞ ഒക്ടോബറിൽ രജിസ്റ്റർ ചെയ്ത കേസുമായി ബന്ധപ്പെട്ടാണ് അറസ്റ്റ്. നഗരത്തിലെ അനാശ്യാസ കേന്ദ്രങ്ങളിൽ ഒക്ടോബറിൽ പോലീസ് പരിശോധന നടത്തിയിരുന്നു. ഇതിനിടയിൽ കടവന്ത്രയിലെ ഒരു അനാശ്യാസ കേന്ദ്രത്തിന്റെ നടത്തിപ്പിൽ രണ്ട് പോലീസുകാർക്ക് പങ്കുണ്ടെന്ന് കണ്ടെത്തുകയായിരുന്നു.

വിശദമായ അന്വേഷണത്തിൽ ഇത് സംബന്ധിച്ച തെളിവുകളും പോലീസിന് ലഭിക്കുകയുണ്ടായി. പിന്നാലെ ഇരുവരെയും കസ്റ്റഡിയിലെടുത്ത് ചോദ്യം ചെയ്യുകയായിരുന്നു. തുടർന്ന് ഇന്ന് വൈകുന്നേരത്തോടെയാണ് അറസ്റ്റ് രേഖപ്പെടുത്തിയതെന്ന് കടവന്ത്ര പോലീസ് പ്രതികരിച്ചു.