വാർത്താസമ്മേളനത്തിനിടെ വികാരാധീനയായി ശോഭാ സുരേന്ദ്രൻ

ആലപ്പുഴ : വാർത്താ സമ്മേളനത്തിനിടെ വികാരാധീനയായി ആലപ്പുഴ പാർലമെൻ്റ് മണ്ഡലത്തിലെ എൻ ഡി എ സ്ഥാനാർഥി ശോഭ സുരേന്ദ്രൻ. ബി ജെ പി ജില്ലാ നേതൃത്വത്തിനെതിരെ പരാതി നൽകിയെന്ന വ്യാജവാർത്തയിലൂടെ തന്നെ തകർക്കാൻ ശ്രമിക്കുകയാണെന്ന് ശോഭ സുരേന്ദ്രൻ ആരോപിച്ചു. ഒരു ചാനൽ മുതലാളിയുടെ എജൻ്റ് കാണാൻ വന്നു.
വെള്ളാപ്പള്ളി നടേശനെ തള്ളിപ്പറയണമെന്ന് ആവശ്യപ്പെട്ടു. വെള്ളാപ്പള്ളി നടേശനെ താൻ പുകഴ്ത്തുന്നത് ചാനൽ മുതലാളിയെ അപമാനിക്കാനാണെന്ന് പറഞ്ഞു.

തെരഞ്ഞെടുപ്പ് ഫണ്ട് നൽകാമെന്ന് വാഗ്ദാനം ചെയ്തു. ആലപ്പുഴയിൽ എൻ ഡി എ മുന്നേറ്റം തടയാൻ പുറമേ ഒരു മുന്നണി പ്രവർത്തിക്കുന്നു. അതിന് കരിമണൽ കമ്പനി ഉടമ നേതൃത്വം നൽകുന്നു.
പിണറായിയുടെയും കെ സി വേണുഗോപാലിൻ്റെയും ആളുകൾ പിന്നിലുണ്ട്. വ്യാജവാർത്തകൾ പ്രചരിപ്പിച്ചാൽ ഇനി വെറുതെയിരിക്കില്ലെന്നും ശോഭാ സുരേന്ദ്രൻ പറഞ്ഞു.