ഇടതിന് എല്ലാം പാളി; ബൂമറാങ് ചിഹ്നമായിരുന്നു നല്ലതെന്ന് ഷാഫി പറമ്പിൽ

പാലക്കാട്: പത്ര പരസ്യം ഉൾപ്പെടെ പാലക്കാട്ടെ എല്ലാ വിവാദങ്ങളും എൽ.ഡി.എഫിന് തിരിച്ചടിയായെന്ന് കോൺഗ്രസ് നേതാവ് ഷാഫി പറമ്പിൽ എം.പി. എൽ ഡി എഫിന് നല്ലത് ബൂമറാങ് ചിഹ്നമായിരുന്നുവെന്നും ഡോ. സരിന്റെ സ്ഥാനാർത്ഥിത്വത്തെ കളിയാക്കി ഷാഫി പറഞ്ഞു.

കേരളം ആഗ്രഹിക്കുന്ന വിധിയുണ്ടാകുമെന്നും പാലക്കാടിന്റെ മണ്ണും മനസ്സും രാഹുൽ മാങ്കൂട്ടത്തിലിനൊപ്പമാണെന്നും ഷാഫി അവകാശപ്പെട്ടു. രാഹുൽ അഞ്ചക്ക ഭൂരിപക്ഷത്തിൽ ജയിക്കും. നിയമസഭയ്ക്ക് അകത്തും പുറത്തും ഉറച്ച ശബ്ദമായി മാറാൻ രാഹുലിന് സാധിക്കുമെന്നും വോട്ടു രേഖപ്പെടുത്തിയ ശേഷം ഷാഫി മാധ്യമങ്ങളോട് പ്രതികരിച്ചു.