കോഴിക്കോട്: ആർ.എസ്.എസ് നേതാക്കളെ കാണുന്നത് എ.ഡി.ജി.പി എം.ആർ അജിത് കുമാറിന്റെ ശീലമായെന്നും കെ സുരേന്ദ്രൻ പോലും ഇത്രയും ആർ.എസ്.എസ് നേതാക്കളെ കണ്ടിട്ടുണ്ടാവില്ലെന്നും കോൺഗ്രസ് നേതാവ് ഷാഫി പറമ്പിൽ എം.പി.
പിണറായി വിജയന്റെ പോളിറ്റ് ബ്യൂറോ ആസ്ഥാനം എ.കെ.ജി സെന്ററല്ല, നാഗ്പൂരിലാണെന്നും അദ്ദേഹം വിമർശിച്ചു. എ.ഡി.ജി.പിയെ മാറ്റാൻ ആർ.എസ്.എസിൽ നിന്ന് അനുമതി കിട്ടിക്കാണില്ലെന്നും അതിന് വേണ്ടിയാണ് കാത്തിരിപ്പെന്നും അദ്ദേഹം മാധ്യമങ്ങളോട് പറഞ്ഞു.
പൂരം കലക്കിയതിനുള്ള തിരിച്ചടി പാലക്കാട് ഉപതെരഞ്ഞെടുപ്പിൽ ഉണ്ടാകുമെന്നും ജനങ്ങളാഗ്രഹിക്കുന്ന വിധിയെഴുത്ത് അവിടെ കാണാമെന്നും ഷാഫി അഭിപ്രായപ്പെട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group