പത്തനംതിട്ട: പാലക്കാട്ടെ യു.ഡി.എഫ് സ്ഥാനാർത്ഥി രാഹുൽ മാങ്കൂട്ടത്തിലിന്റെ പ്രചാരണ വിഡിയോ പത്തനംതിട്ട സി.പി.എമ്മിന്റെ ഫെയ്‌സ്ബുക്ക് പേജിൽ.
‘പാലക്കാട് എന്ന സ്‌നേഹ വിസ്മയം’ എന്ന അടിക്കുറിപ്പോടെയാണ് വീഡിയോ എഫ്.ബിയിൽ നൽകിയത്. ഇന്നലെ രാത്രിയാണ് സംഭവം. അബദ്ധം മനസ്സിലായതോടെ രാത്രി തന്നെ വീഡിയോ നീക്കി. 63,000 ഫോളോവേഴ്‌സുണ്ട് ഈ പേജിന്.
ഇത് ഔദ്യോഗിക ഫെയ്‌സ്ബുക്ക് പേജ് അല്ലെന്നും വീഡിയോ വന്നത് വ്യാജ ഫെയ്‌സ്ബുക്ക് അക്കൗണ്ടിലാണെന്നുമെല്ലാം വ്യത്യസ്തങ്ങളായ പ്രതികരണങ്ങളും ഇതിനിടെ സി.പി.എമ്മിൽനിന്നുണ്ടായി.
സംഭവത്തിൽ പത്തനംതിട്ട സ്വദേശി കൂടിയായ യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടത്തിൽ സി.പി.എമ്മിന് നന്ദി അറിയിച്ചു. ഈ കരുതൽ എന്നും മനസ്സിലുണ്ടാവുമെന്ന് രാഹുൽ പ്രതികരിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group