പാലക്കാട്- ഭിന്നശേഷി നൈപുണ്യ കേന്ദ്രത്തിന് ആര്‍.എസ്.എസ് നേതാവിന്റെ പേര് ഇടുന്നതുമായി ബന്ധപ്പെട്ട് തറക്കല്ലിടൽ ചടങ്ങിൽ കടുത്ത പ്രതിഷേധം. പാലക്കാട് നഗരസഭയുടെ കീഴിലുള്ള നൈപുണ്യ കേന്ദ്രത്തിനാണ് ആർ.എസ്.എസ് നേതാവിൻ്റെ പേരിട്ടത്. തറക്കല്ലിടൽ ചടങ്ങ് യൂത്ത് കോണ്‍ഗ്രസ്, ഡി.വൈ.എഫ്,ഐ പ്രവര്‍ത്തകര്‍ തടഞ്ഞു.
യൂത്ത് കോണ്‍ഗ്രസ് പ്രവര്‍ത്തകര്‍ തറക്കല്ലിനായി എടുത്ത കുഴിയിലിറങ്ങി കല്ലെടുത്ത് മാറ്റാൻ ആവശ്യപ്പെട്ടു. സ്ഥലത്ത് സംഘർഷാവസ്ഥയുണ്ടായതിനാൽ പ്രതിഷേധക്കാരെ പോലീസ് അറ്‌സ്റ്റ് ചെയ്ത് നീക്കി. ആര്‍.എസ്.എസ് സ്ഥാപകന്‍ ഹെഡ്‌ഗേവറിന്റെ പേരാണ് നൈപുണ്യ കേന്ദ്രത്തിനിട്ടത്. ഇതിനെതിരെ പ്രതിഷേധവുമായി ഡി.വൈ.എഫ്.ഐ പ്രവർത്തകരും സ്ഥലത്തെത്തി. പേര് മാറ്റണമെന്ന് ആവിശ്യപ്പെട്ട് കുത്തിയിരുന്ന് പ്രതിഷേധിച്ച പ്രവര്‍ത്തകരെയും പോലീസ് അറസ്റ്റ് ചെയ്ത് നീക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group