തിരുവനന്തപുരം: സഹപ്രവർത്തകയെ പീഡിപ്പിച്ചെന്ന പരാതിയിൽ എസ്.ഐ അറസ്റ്റിൽ. തലസ്ഥാനത്തെ ടെലി കമ്യൂണിക്കേഷൻ വിഭാഗം എസ്.ഐ വിൽഫറിനെയാണ് പേരൂർക്കട പോലീസ് അറസ്റ്റ് ചെയ്തത്.
സൈബർ വിഭാഗത്തിലെ വനിതാ കോൺസ്റ്റബ്‌ളാണ് എസ്.ഐക്കെതിരെ പരാതി നൽകിയത്. കേസ് ഡി.ജി.പിയുടെ നിർദേശ പ്രകാരം ക്രൈംബ്രാഞ്ചിനു കൈമാറി.
ഈയിടെ ജോലിയ്ക്കിടെ ദേഹാസ്വാസ്ഥ്യമുണ്ടായപ്പോൾ ഉദ്യോഗസ്ഥയെ വീട്ടിൽ കൊണ്ടാക്കാമെന്ന് പറഞ്ഞ് ഇവരെയും കൂട്ടി എസ്.ഐ വീട്ടിലെത്തി പീഡിപ്പിച്ചെന്നും പരാതിയിലുണ്ട്. പ്രതിയെ കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തതായി പോലീസ് അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group