മലപ്പുറം: ലോക്‌സഭാ തെഞ്ഞെടുപ്പുമായി ബന്ധപ്പെട്ടുള്ള പ്രീ പോള്‍ സര്‍വേഫലങ്ങള്‍ക്കെതിരേ വിമര്‍ശനവുമായി മുഖ്യമന്ത്രി പിണറായി വിജയന്‍. ഇത്തരം സര്‍വേകള്‍ക്ക് വിശ്വാസ്യതയില്ലെന്ന് മുഖ്യമന്ത്രി പറഞ്ഞു.
മലപ്പുറത്ത് വാർത്താസമ്മേളനത്തിൽ സംസാരിക്കുകയായിരുന്നു മുഖ്യമന്ത്രി. പെയ്ഡ് സര്‍വേകളാണോ പുറത്തുവിടുന്നതെന്ന് നാട്ടുകാര്‍ക്ക് സംശയമുണ്ട്. എന്ത് ശാസ്ത്രീയ നിഗമനത്തിന്‍റെ അടിസ്ഥാനത്തിലാണ് സർവേഫലമെന്ന് വ്യക്തമാക്കുന്നില്ല.
ഇക്കാര്യങ്ങള്‍ മറച്ചുവച്ചുകൊണ്ടാണ് പ്രീ പോള്‍ സര്‍വേഫലം പുറത്തുവിടുന്നത്. ജനങ്ങളെ തെറ്റിദ്ധരിപ്പിക്കുകയെന്ന ഉദ്ദേശ്യത്തോടെയാണ് ഇത് ചെയ്യുന്നതെന്നും മുഖ്യമന്ത്രി കൂട്ടിച്ചേര്‍ത്തു.