ആലപ്പുഴ – ചേര്‍ത്തല താലൂക്കിലെ പെരുമ്പളം എല്‍ പി സ്കൂളിലെ അഞ്ച് കട്ടികള്‍ക്ക് മുണ്ടിനീര് ബാധിച്ചതിനാല്‍ സ്കൂളിന് ഇന്ന് മുതല്‍ 21 ദിവസത്തേക്ക് അവധി നല്‍കി.
ജില്ലാ കളക്ടറാണ് സ്കൂളിന് അവധി പ്രഖ്യാപിച്ചത്.
മുണ്ടിനീരിന്റെ ഇന്‍ക്യുബേഷന്‍ പിരീഡ് 21 ദിവസം വരെ ആയതിനാല്‍ കൂടുതല്‍ വിദ്യാര്‍ഥികള്‍ക്ക് രോഗം പടരുന്നത് ഒഴിവാക്കാൻ അവധി നല്‍കണമെന്ന ജില്ലാ മെഡിക്കല്‍ ഓഫീസറുടെ അഭ്യര്‍ത്ഥന പ്രകാരമാണ് നടപടി.
വിദ്യാലയങ്ങളില്‍ മുണ്ടിനീര് പടര്‍ന്നു പിടിക്കാതിരിക്കുന്നതിനുള്ള മുന്‍കരുതല്‍ നടപടികള്‍ ആരോഗ്യ,തദ്ദേശ സ്വയംഭരണ വകുപ്പുകളുമായി ചേര്‍ന്ന് നടത്തണമെന്നും ഉത്തരവില്‍ നിര്‍ദ്ദേശിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group