ആലപ്പുഴ – ലോക്‌സഭ തിരഞ്ഞെടുപ്പില്‍ ആലപ്പുഴ, മാവേലിക്കര മണ്ഡലങ്ങളില്‍ നിര്‍ണായകമാകുന്നത് 42721 പുതിയ വോട്ടര്‍മാര്‍. 18,19 പ്രായ പരിധിയില്‍ ഉള്‍പ്പെടുന്നവരാണ് ഇവര്‍. ആദ്യമായി തിരഞ്ഞെടുപ്പില്‍ പങ്കാളികളാകുന്ന ഇവര്‍ ജയ പരാജയങ്ങളെ നിര്‍ണയിക്കാന്‍ ശേഷിയുള്ളവരായി മാറും.
ആലപ്പുഴ മണ്ഡലത്തില്‍ ഇത്തവണയുള്ള 23,898 പുതിയ വോട്ടര്‍മാരില്‍ 11839 സ്ത്രീകളും 12059 പുരുഷന്മാരുമാണുള്ളത്. അരൂര്‍ നിയമസഭാ മണ്ഡലത്തിലെ പുതിയ വോട്ടര്‍മാരില്‍ സ്ത്രീ 1414 , പുരുഷന്‍ 1378, ചേര്‍ത്തലയില്‍ സ്ത്രീ 1809 പുരുഷന്‍1955, ആലപ്പുഴയില്‍ സ്ത്രീ 1541, പുരുഷന്‍ 1560, അമ്പലപ്പുഴയില്‍ – സ്ത്രീ1506, പുരുഷന്‍ 1459, ഹരിപ്പാട്ട്- സ്ത്രീ 1691, പുരുഷന്‍ 1781, കായംകുളത്ത് – സ്ത്രീ 1925, പുരുഷന്‍ 2001, കരുനാഗപ്പള്ളില്‍- സ്ത്രീ 1953, പുരുഷന്‍ 1925 എന്നിങ്ങനെയാണ് നവവോട്ടര്‍മാരുടെ കണക്ക്.
മാവേലിക്കര ലോക്‌സഭാ മണ്ഡലത്തില്‍ 18,823
പുതിയ വോട്ടര്‍മാരില്‍ 9294 സ്ത്രീ വോട്ടര്‍മാരും 9529 പുരുഷവോട്ടര്‍മാരുമാണ്.
ചങ്ങനാശ്ശേരി നിയമസഭാ മണ്ഡലത്തില്‍ സ്ത്രീ 1156, പുരുഷന്‍ 1110 , കുട്ടനാട് മണ്ഡലത്തില്‍ സ്ത്രീ 1331, പുരുഷന്‍ 1345, മാവേലിക്കര മണ്ഡലത്തില്‍ സ്ത്രീ 1419, പുരുഷന്‍ 1421, ചെങ്ങന്നൂരില്‍ സ്ത്രീ 1233 , പുരുഷന്‍ 1348, കുന്നത്തൂരില്‍ സ്ത്രീ 1526 , പുരുഷന്‍ 1548, കൊട്ടാരക്കരയില്‍ സ്ത്രീ 1454, പുരുഷന്‍ 1521, പത്തനാപുരത്ത് സ്ത്രീ 1175 പുരുഷന്‍ 1236 എന്നിങ്ങനെയാണ് നവവോട്ടര്‍മാര്‍.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group