കോഴിക്കോട് വന്ദേഭാരത് ട്രെയിൻ തട്ടി വയോധികൻ മരിച്ചു

കോഴിക്കോട്: റെയിൽ പാളം മുറിച്ചുകടക്കുന്നതിനിടെ കോഴിക്കോട് ചക്കുംകടവിൽ വന്ദേഭാരത് ട്രെയിൻ തട്ടി ഒരാൾ മരിച്ചു. ചക്കുംകടവ് സ്വദേശി പള്ളിപുറായി അബ്ദുൽ ഹമീദ് (65) ആണ് മരിച്ചത്.

കേൾവിക്കുറവുള്ള ഹമീദ് ചക്കുംകടവ് വച്ച് റെയിൽവെ പാളം മുറിച്ചു കടക്കുമ്പോഴാണ് അപകടമുണ്ടായത്. മൃതദേഹം കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റിയതായി പോലീസ് പറഞ്ഞു.