- സംഘി ഓഫീസിൽ ചൊറിക്കുത്തി നിൽക്കുകയാണ് പിണറായി വിജയൻ. ഇയാൾ ആദ്യം മനുഷ്യരോട് മര്യാദക്ക് പെരുമാറാനെങ്കിലും പഠിക്കണം. വെറുതെ മേക്കിട്ട് കയറാൻ വന്നാൽ കളിക്കുന്നവന്റെ ട്രൗസർ അഴിക്കുമെന്നും കെ.എം ഷാജി.
(നാദാപുരം) കോഴിക്കോട്: പാണക്കാട് സാദിഖലി തങ്ങൾക്ക് എതിരെയുള്ള മുഖ്യമന്ത്രി പിണറായി വിജയന്റെ പ്രസ്താനവനയിൽ രൂക്ഷ പ്രതികരണവുമായി മുസ്‌ലിം ലീഗ് നേതാവ് കെ.എം ഷാജി.
ചൊറി വന്നാൽ മാന്താൻ വേണ്ടി പാണക്കേട്ടേക്ക് വരുന്നത് ഒരു പുതിയ പ്രവണതയാണെന്നും ഞങ്ങളൊക്കൊ വെറുതെ നോക്കിയിരിക്കുമെന്ന വിചാരം ഒരുത്തനും വേണ്ടെന്നും ഷാജി വ്യക്തമാക്കി.
സാദിഖലി തങ്ങൾ ജമാഅത്തെ ഇസ്‌ലാമി അനുയായിയെ പോലെ എന്നല്ലെ പറഞ്ഞത്. എന്നാൽ സംഘി ഓഫീസിൽ ചൊറിക്കുത്തി കുരുക്കുന്ന പിണറായി വിജയൻ സംഘിയാണെന്ന് ഷാജി ആക്ഷേപിച്ചു. പിണറായി വിജയൻ മനുഷ്യരോട് മര്യാദക്ക് പെരുമാറാനെങ്കിലും ആദ്യം പഠിക്കണമെന്നും ഷാജി ഓർമിപ്പിച്ചു.
സാദിഖലി തങ്ങൾ കൃത്യമായ നിലപാടുകളെടുത്താണ് മുന്നോട്ട് പോകുന്നത്. പാണക്കാട് കുടുംബാംഗം എന്ന നിലയ്ക്ക് തിരിച്ചു പറയുന്നതിൽ അവർക്ക് പരിമിതികളുണ്ടാകും. എന്നാൽ, പരിമിതികൾ ദൗർബല്യമായി കണ്ട് ഇങ്ങോട്ട് കയറാൻ വന്നാൽ കടുത്ത തിരിച്ചടിയുണ്ടാകും. മേക്കിട്ട് കയറാൻ വന്നാൽ കളിക്കുന്നവന്റെ ട്രൗസർ അഴിക്കും. ഇത് മുഖ്യമന്ത്രിയോട് മാത്രമല്ല പറയുന്നതെന്നും എല്ലാവരോടുമാണെന്നും ഷാജി വ്യക്തമാക്കി.