തിരുവനന്തപുരം: കേരളാ ക്രിക്കറ്റ് ലീഗില്‍ ആലപ്പി റിപ്പിള്‍സിന് മിന്നും ജയം. ട്രിവാന്‍ഡ്രം റോയല്‍സിനെതിരേ 52 ജയം. ആദ്യം ബാറ്റ് ചെയ്ത ആലപ്പി ഏഴ് വിക്കറ്റ് നഷ്ടത്തില്‍ 125 റണ്‍സായിരുന്നു നേടിയത്. മറുപടി ബാറ്റിങില്‍ 16.5 ഓവറില്‍ തിരുവനന്തപുരത്തെ 73 റണ്‍സില്‍ ആലപ്പി എറിഞ്ഞൊതൊക്കി. ആലപ്പിയ്ക്കായി അക്ഷയ് ചന്ദ്രന്‍ നാലും ഫാസില്‍ ഫാനൂസ്, അഫ്രാഡ് റിഷഭ് എന്നിവര്‍ രണ്ട് വിക്കറ്റ് വീതവും കിരണ്‍ സാഗര്‍ ഒരു വിക്കറ്റും നേടി.
19 റണ്‍സെടുത്ത ഹരി കൃഷ്ണനും 13 റണ്‍സെടുത്ത ആകര്‍ഷും മാത്രമാണ് തിരുവനന്തപുരം നിരയില്‍ രണ്ടക്കം കടന്നവര്‍.നേരത്തെ ആദ്യം ബാറ്റ് ചെയ്ത ആലപ്പി റിപ്പിള്‍സിനായി കൃഷ്ണ പ്രസാദ് 37ഉം ക്യാപ്റ്റന്‍ മുഹമ്മദ് അസ്ഹറുദ്ദീന്‍ 34 റണ്‍സും നേടി തിളങ്ങി. അതുല്‍ 22ഉം വിനൂപ് മനോഹരന്‍ 10ഉം റണ്‍സും നേടി. ട്രിവാന്‍ഡ്രം റോയല്‍സിനായി ഹരി കൃഷ്ണന്‍, അബ്ദുല്‍ ബാസിത് എന്നിവര്‍ രണ്ട് വീതം വിക്കറ്റും നേടിയാണ് ആലപ്പിയെ ചെറിയ സ്‌കോറില്‍ ഒതുക്കിയത്.