സ്വര്‍ണ വില കുതിച്ചുയരുന്നു, പുതിയ റെക്കോര്‍ഡില്‍

കൊച്ചി : കേരളത്തിൽ സ്വർണവിലയില്‍ വീണ്ടും വർധനവ്. ഒരു ഗ്രാം സ്വർണത്തിന് 6,360 രൂപയും ഒരു പവന് 50,880 രൂപയുമായി സംസ്ഥാനത്തെ സ്വർണവില ഉയർന്നു.

ഇന്നലെ ഒരു ഗ്രാമിന് 6,275 രൂപയും, ഒരു പവന് 50,200 രൂപയുമായിരുന്നു വില. ഇന്ന് ഒരു ഗ്രാം 22 കാരറ്റ് സ്വർണത്തിന്റെ വില 6,360 രൂപയാണ്. ഒരു ഗ്രാം 24 കാരറ്റ് സ്വർണത്തിന്റെ വില 6,938 രൂപയും, ഒരു ഗ്രാം 18 കാരറ്റ് സ്വർണത്തിന്റെ വില 5,204 രൂപയുമാണ്
അതേസമയം ഇന്ന് വെള്ളി വിലയിലും നേരിയ വർധനയുണ്ട്. ഒരു ഗ്രാം സാധാരണ വെള്ളിയുടെ വില 81.60 രൂപയാണ്. ഒരു പവൻ വെള്ളിയുടെ വില 652.80 രൂപയുമാണ്.