ജി.ബി.എസ് ബാധിച്ച് സ്കൂൾ വിദ്യാർത്ഥിനി മരിച്ചു; ഒരാഴ്‌ചയ്ക്കിടെ കേരളത്തിൽ രണ്ടാം മരണം

കോട്ടയം- ഗില്ലൻ ബാരി സിൻഡ്രോം (ജി ബി എസ്) ബാധിച്ച് കോട്ടയം മെഡിക്കൽ കോളജ് ആശുപത്രിയിൽ ചികിത്സയിലായിരുന്ന വിദ്യാർഥിനി മരിച്ചു. കാഞ്ഞിരപ്പള്ളി സെൻ്റ് മേരീസ് ഗേൾസ് ഹൈസ്‌കൂൾ 10-ാം ക്ലാസ് വിദ്യാർത്ഥിനി എരുമേലി ചേനപ്പാടി വലിയതറ ഗൗതമി പ്രവീൺ (15) ആണു മരിച്ചത്.

ഒന്നരമാസത്തിലധികമായി വെന്റിലേറ്ററിലായിരുന്നു. സംസ്കാരം ഇന്നു 11ന്.

പ്രവീണിന്റെയും അശ്വതിയുടെയും മകളാണ്. സഹോദരി: കുഞ്ഞാറ്റ.

ജി ബി എസ് ബാധിച്ച് കോട്ടയം മെഡിക്കൽ കോളജിൽ ചികിത്സയിലായിരുന്ന മൂവാറ്റുപുഴ വാഴക്കുളം സ്വദേശി മരിച്ചത് കഴിഞ്ഞ തിങ്കളാഴ്‌ചയാണ്.