കോഴിക്കോട് നിന്ന് കാണാതായ നാല് വിദ്യാർത്ഥികളെ കണ്ടെത്തി; ആലുവയിൽ പോലീസ് കസ്റ്റഡിയിൽ

ആലുവ: കോഴിക്കോട് പയ്യോളിയിൽ നിന്ന് കാണാതായ നാല് വിദ്യാർത്ഥികളെ കണ്ടെത്തി. ആലുവയിൽ നിന്നാണ് വിദ്യാർത്ഥികളെ കണ്ടെത്തിയത്. യൂബർ ഡ്രൈവർ കുട്ടികളെ തിരിച്ചറിഞ്ഞ് പോലീസിനെ വിവരമറിയിക്കുകയായിരുന്നു.

ഉടനെ പോലീസെത്തി നാലുപേരെയും തിരിച്ചറിഞ്ഞ് സ്റ്റേഷനിലേക്ക് കൊണ്ടുപോയി.

ചെരിച്ചിൽ പള്ളിയിലെ മദ്രസയിൽ താമസിച്ച് പഠിക്കുന്ന വിദ്യാർത്ഥികളെ ഇന്നലെ വൈകുന്നേരമാണ് കാണാതായത്. കുട്ടികളിൽനിന്ന് കാര്യങ്ങൾ അന്വേഷിച്ചു വരികയാണെന്ന് പോലീസ് പറഞ്ഞു.