പ്രൊഡക്ഷൻ കൺട്രോളർ ഷാനു ഇസ്മായിലിനെ കൊച്ചിയിലെ സ്വകാര്യ ഹോട്ടലിൽ മരിച്ച നിലയിൽ കണ്ടെത്തി. തിരുവനന്തപുരം സ്വദേശിയായ ഷാനു പത്തിലേറെ ദിവസമായി എം.ജി റോഡിലെ ഹോട്ടലിൽ റൂം എടുത്ത് താമസിക്കുകയായിരുന്നു. റൂമിൽനിന്നും പുറത്തു കാണാത്തതിനെ തുടർന്നുള്ള അന്വേഷണത്തിലാണ് ബാത്ത് റൂമിൽ മരിച്ച നിലയിൽ കണ്ടെത്തിയതെന്നാണ് വിവരം.
സംഭവത്തിൽ അന്വേഷണം ആരംഭിച്ചതായി സെൻട്രൽ പോലീസ് പറഞ്ഞു. ഹേമ കമ്മിറ്റി റിപോർട്ടിന് പിന്നാലെ തിരുവനന്തപുരം സ്വദേശിയായ നടിയുടെ പരാതിയിൽ ഷാനുവിനെതിരേ മ്യൂസിയം പോലീസ് കേസെടുത്തിരുന്നു. സിനിമയിൽ അവസരം നൽകാമെന്നു പറഞ്ഞ് 2018-ൽ നടിയെ ചൂഷണം ചെയ്തുവെന്ന പരാതിയിലാണ് കേസ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group