പത്തനംതിട്ട: കെ.എസ്.ആർ.ടി.സി ബസിൽ വച്ച് വനിതാ കണ്ടക്ടർക്കു നേരെ ലൈംഗികാതിക്രമം. പത്തനംതിട്ടയിൽ നിന്നും ചെങ്ങന്നൂരേക്കു പോയ കെ.എസ്.ആർ.ടി.സി ബസ്സിൽ വച്ച് ഇന്ന് ഉച്ചയ്ക്ക് 2.40-ഓടെയാണ് സംഭവം. സംഭവത്തിൽ ഇലന്തൂർ പൂക്കോട് സ്വദേശി കോശിയെ പിടികൂടി നാട്ടുകാർ പോലീസിൽ ഏൽപ്പിച്ചു.
യാത്രക്കാർ ചോദ്യം ചെയ്തതോടെ ഇയാൾ ഓടുന്ന ബസ്സിൽ നിന്ന് ചാടിയിറങ്ങി ഓടി രക്ഷപ്പെടാൻ ശ്രമിച്ചെങ്കിലും നാട്ടുകാർ പിന്തുടർന്ന് പിടികൂടുകയായിരുന്നു. കണ്ടക്ടറുടെ പരാതി ഇതുവരെ ലഭിച്ചിട്ടില്ലെന്നും ലഭിച്ചാലുടനെ പ്രതിയുടെ അറസ്റ്റ് രേഖപ്പെടുത്തുമെന്നും പോലീസ് പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group