തിരുവനന്തപുരം – ഡ്രൈവിംഗ് ടെസ്റ്റ് പരിഷ്കരണ ഉത്തരവ് പിന്വലിക്കണമെന്ന് ആവശ്യപ്പെട്ട് മോട്ടോര് വാഹന ഡ്രൈവിംഗ് സ്കൂള് അസോസിയേഷന്റെ ആഭിമുഖ്യത്തില് നടത്തുന്ന സമരം അഞ്ചാം ദിവസത്തിലേക്ക് കടന്നു. ഇന്ന് തലശ്ശേരിയിലും മുക്കത്തും പ്രതിഷേധം നടന്നു. തിരുവനന്തപുരം മുട്ടത്തറ ഗ്രൗണ്ടില് 21 പേര്ക്ക് സ്ലോട്ട് നല്കിയിരുന്നെങ്കിലും പ്രതിഷേധം ഭയന്ന് ആരും ടെസ്റ്റിന് എത്തിയില്ല. സര്ക്കുലര് പിന്വലിക്കാതെ സമരത്തില് നിന്നും പിന്നോട്ടില്ലെന്നാണ് സമിതി പറയുന്നത്.
ഇന്നലെ സ്വന്തം വാഹനവുമായി ടെസ്റ്റിനെത്തിയവര്ക്കെതിരെയും പ്രതിഷേധമുണ്ടായി. സമരത്തില് നിന്നും പിന്മാറിയ സി ഐ ടിയുവിനെതിരെ സമരസമിതി രംഗത്തെത്തി. സി ഐ ടി യു വിന്റേത് ഇരട്ട നിലപാടാണെന്നാണ് വിമര്ശനം.
15 വര്ഷത്തിന് ശേഷമുള്ള വാഹനങ്ങള് ടെസ്റ്റിന് പാടില്ലെന്ന നിര്ദ്ദേശവും, ഇരട്ട ക്ലച്ചും ബ്രേക്കും ഒഴിവാക്കണമെന്ന് നിര്ദ്ദേശവും ഉള്പ്പെടെ ഫെബ്രുവരി മാസത്തിലുള്ള സര്ക്കുലര് പിന്വിക്കാതെ സമരത്തില് നിന്നും പിന്നോട്ടിലെന്നാണ് സമിതി പറയുന്നത്. ഓരോ ദിവസം സ്ലോട്ട് നഷ്ടമാകുന്നവര്ക്ക് മാസങ്ങള്ക്ക് ശേഷമായിരിക്കും പുതിയ ടെസ്റ്റിന് അവസരം ലഭിക്കുന്നത്. ലേണേഴ്സ് കഴിഞ്ഞാല് ആറ് മാസത്തിനുള്ളില് ടെസ്റ്റ് ജയിച്ചിരിക്കണം. സമരം നീണ്ടുപോയാല് സമയപരിധിക്കുള്ളില് ഇവര്ക്ക് ടെസ്റ്റില് പങ്കെടുക്കാനാകുമോയെന്നും സംശയമാണ്.