ഡോ. സരിന് പിന്തുണ; പക്ഷേ, ഇടതിന് ഒപ്പമില്ലെന്ന് ഡി.സി.സി മുൻ പ്രസിഡന്റ്

• ആരെങ്കിലും ചോദിച്ചാൽ പാലക്കാട്ട് ഡോ. സരിന് വോട്ട് ചെയ്യണമെന്നേ ഞാൻ പറയൂ. സരിന്റെ വ്യക്തിപരമായ ക്വാളിറ്റി കൊണ്ടാണാ പിന്തുണ. കോക്കസ് കോൺഗ്രസിൽ താൽപര്യമില്ലെന്നും ഡി.സി.സി മുൻ പ്രസിഡന്റ് എ.വി ഗോപിനാഥ്.

പാലക്കാട്: ഉപതെരഞ്ഞെടുപ്പിൽ ഇടത് സ്ഥാനാർത്ഥി ഡോ. പി സരിനെ പിന്തുണക്കുമെന്നും എന്നാൽ ഈ പിന്തുണ സി.പി.എമ്മിന് ബാധകമല്ലെന്നും പാലക്കാട് ഡി.സി.സി മുൻ പ്രസിഡന്റ് എ.വി ഗോപിനാഥ്.

ആരെങ്കിലും ചോദിച്ചാൽ ഡോ. സരിന് വോട്ട് ചെയ്യണമെന്നേ ഞാൻ പറയൂ. സരിന്റെ വ്യക്തിപരമായ ക്വാളിറ്റി കൊണ്ടാണാ പിന്തുണ. എന്നാൽ, ഈ പിന്തുണ ഇടത് മുന്നണിക്കില്ലെന്നും തെരഞ്ഞെടുപ്പു ചൂട് പിടിച്ച ശേഷം പ്രചാരണത്തിന് ഇറങ്ങുമോ എന്ന് പറയാമെന്നും അദ്ദേഹം മാധ്യമങ്ങളോട് പ്രതികരിച്ചു.

സരിൻ പിന്തുണ തേടി വിളിച്ചിരുന്നു. സഹായം ആവശ്യപ്പെട്ടിട്ടുണ്ട്. പരിഗണിക്കാവുന്നതാണ്. വി.ഡി സതീശൻ, ഷാഫി പറമ്പിൽ എന്നിവരടങ്ങുന്ന കോക്കസ് പാർട്ടിയിൽ ഞാനില്ല. അവർ അഭിപ്രായം പറയുന്നത് കോൺഗ്രസിലെ ജനാധിപത്യത്തിന്റെ ഭാഗമാണെന്നും ഗോപിനാഥ് ചൂണ്ടാക്കിട്ടി.