ഉത്തരം പറഞ്ഞില്ല, മൂന്നര വയസുകാരന് ക്രൂര മർദ്ദനം; കൊച്ചിയിൽ അധ്യാപിക അറസ്റ്റിൽ

കൊച്ചി: മൂന്നര വയസ്സുകാരന് അധ്യാപികയുടെ ക്രൂര മർദ്ദനം. മട്ടാഞ്ചേരിയിലെ പാലസ് റോഡിലെ സ്മാർട്ട് കിഡ് എന്ന പ്ലേ സ്‌കൂളിലെ അധ്യാപിക സീതാലക്ഷ്മിയാണ് കുട്ടിയുടെ മുതുകിൽ ചൂരൽ ഉപയോഗിച്ച് തല്ലി പരുക്കേൽപ്പിച്ചത്.

കുട്ടി ചോദ്യങ്ങൾക്ക് മറുപടി പറയാത്തതിന് ചൂരൽ കൊണ്ട് അടിക്കുകയായിരുന്നു. കുട്ടി വീട്ടിലെത്തിയപ്പോഴാണ് തല്ലിയതിന്റെ പാടുകൾ രക്ഷിതാക്കൾ കണ്ടത്. തുടർന്ന് ആശുപത്രിയിൽ പ്രവേശിപ്പിക്കുകയായിരുന്നു.

ആശുപത്രി അധികൃതരാണ് സംഭവം പോലീസിനെ അറിയിച്ചത്. രക്ഷിതാക്കളുടെ പരാതിയിൽ അധ്യാപികയെ അറസ്റ്റ് ചെയ്തതായി പോലീസ് അറിയിച്ചു. സ്‌കൂളിൽനിന്നും അധ്യാപികയെ സസ്‌പെൻഡ് ചെയ്തതായി സ്ഥാപന അധികൃതർ വ്യക്തമാക്കി.