താമരശ്ശേരിയിൽ വീട്ടിലെ പ്രഷർ കുക്കറിൽ മൂർഖൻ പാമ്പ്!

(താമരശ്ശേരി) കോഴിക്കോട്: അടുക്കളയിൽ സൂക്ഷിച്ച പ്രഷർ കുക്കറിനുള്ളിൽ മൂർഖൻ പാമ്പ്. കോഴിക്കോട് ജില്ലയിലെ താമരശ്ശേരിക്കടുത്ത തച്ചംപൊയിൽ ചാലക്കരയിൽ ആണ് വീട്ടിലെ അടുക്കളയിൽ സൂക്ഷിച്ച പ്രഷർ കുക്കറിൽ ഉഗ്രവിഷമുള്ള മൂർഖൻ പാമ്പിനെ കണ്ടെത്തിയത്.

തലനാരിഴയ്ക്കാണ് പാമ്പിന്റെ കടിയേൽക്കാതെ വീട്ടമ്മ രക്ഷപ്പെട്ടത്. വീട്ടുകാർ വിവരമറിയിച്ചതിനെ തുടർന്ന് കോരങ്ങാട് സ്വദേശി എം.ടി ജംഷീദ് സ്ഥലത്തെത്തി മൂർഖൻ പാമ്പിനെ പിടികൂടി. പാമ്പിനെ പിന്നീട് വനത്തിൽ തുറന്നുവിട്ടു.