വടകര: ദേശീയപാത മടപ്പള്ളിയില്‍ സീബ്ര ലൈനിലൂടെ റോഡ് മുറിച്ചുകടക്കുകയായിരുന്ന വിദ്യാര്‍ത്ഥികളെ സ്വകാര്യ ബസ് ഇടിച്ച് വീഴ്ത്തി. മൂന്ന് വിദ്യാര്‍ത്ഥികള്‍ക്ക് പരിക്കേറ്റു. മടപ്പള്ളി കോളേജിലെ രണ്ടാം വര്‍ഷ ബിരുദ വിദ്യാര്‍ത്ഥികള്‍ക്കാണ് പരിക്കേറ്റത്. കണ്ണൂര്‍ – തൃശ്ശൂര്‍ റൂട്ടിലോടുന്ന അയ്യപ്പന്‍ ബസാണ് അപകടം വരുത്തിയത്.
നടക്കുതാഴ സിന്ധു നിവാസില്‍ ശ്രേയ എന്‍ സുനില്‍ കുമാര്‍ (19) , തണ്ണീര്‍ പന്തല്‍ ചാത്തോളി ദേവിക ജി നാഥ് (19), കല്ലേരി സ്വദേശിനി ഹൃദ്യ(19) എന്നിവര്‍ക്കാണ് പരിക്ക്. മൂന്ന് പേരെയും വടകര സ്വകാര്യ ആശുപത്രിയില്‍ പ്രവേശിപ്പിച്ചു. അപകടത്തിനിടയാക്കിയ ബസിലെ ഡ്രൈവറും കണ്ടക്ടും ഓടി രക്ഷപ്പെട്ടു. ബസ് ചോമ്പാല്‍ പോലീസ് കസ്റ്റഡിയില്‍ എടുത്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group