വടകര: അമേരിക്കയിലെ പ്രശസ്തമായ ഒഹായോ സ്റ്റേറ്റ് യൂണിവേഴ്സിറ്റിയിലേക്ക് 1.5 കോടി രൂപയുടെ സ്കോളർഷിപ്പ് നേടി ആയഞ്ചേരി തറോപ്പൊയിൽ സ്വദേശിനി ശഹാന ശിറിൻ. അഞ്ചുവർഷം നീണ്ട ഇന്റർ ഡിസ്‌സിപ്ലിനറി ബയോഫിസിക്സ് പി എച്ച് ഡി പ്രോഗ്രാമിലേക്കാണ് സമ്പൂർണ സ്കോളർഷിപ്പോടു കൂടി തെരഞ്ഞെടുക്കപ്പെട്ടത്.
ഇന്ത്യയിലെ പ്രമുഖ ഗവേഷണ സർവ്വകലാശാലയായ ഐസെർ കൊൽക്കത്തയിൽനിന്നുമാണ് ശഹാന ശിറിൻ ബിരുദാന്തര ബിരുദം കരസ്ഥമാക്കിയത്. അവിടെവച്ചു സ്റ്റംസെൽ തെറാപ്പിയിൽ ഉണ്ടാവുന്ന പ്രശ്നങ്ങളെയും ടി ആർ പി ചാനലുകളെയും ബന്ധപ്പെടുത്തിയാണ് ഗവേഷണം നടത്തിയത്.
പുനരുജ്ജീവന സവിശേഷതകളുള്ള സ്റ്റംസെല്ലുകൾ ദിയബെറ്റീസ്, പാർക്കിന്സൺസ് ഡിസീസസ് സ്കലിറോസിസ്, ഓസ്റ്റിയോപോറോസിസ് തുടങ്ങിയ ഒട്ടനവാധി രോഗങ്ങളുടെ ചികിത്സയിൽ അനവധി സാധ്യതകൾ വൈദ്യശാസ്ത്രരംഗത് തുറന്നവയാണ്. ഈ കോശങ്ങൾ ട്രാൻസ്‌പ്ലാനറ്റേഷനുശേഷം നേരിടുന്ന പ്രതിസന്ധികളെ ടി ആർ പി ചാനലുകളുടെ സഹായത്തോടെ എങ്ങനെ തടയാമെന്നതിനെ കുറിച്ച് ശഹാനയുടെ ഗവേഷണം പ്രാഥമിക കണ്ടെത്തലുകൾ നൽകിയിട്ടുണ്ട്. വൈറ്റ് ഹൗസ് അബ്ദുല്ലയുടെയും ഒ.എം സാറ ടീച്ചറുടെയും മകളാണ്.