കൂടരഞ്ഞിയിൽ ബൈക്ക് നിയന്ത്രണം വിട്ട് കൊക്കയിലേക്ക് മറിഞ്ഞു; ചികിത്സയിലായിരുന്ന യുവാവ് മരിച്ചു

കോഴിക്കോട്: കൂടരഞ്ഞിയിൽ ബൈക്ക് നിയന്ത്രണം വിട്ട് കൊക്കയിലേക്ക് മറിഞ്ഞ് ഗുരുതരമായി പരുക്കേറ്റ് കോഴിക്കോട് മെഡിക്കൽ കോളേജിൽ വെന്റിലേറ്ററിൽ ചികിത്സയിലായിരുന്ന യുവാവ് മരിച്ചു. ഓമശ്ശേരി പെരുമ്പൊയിൽ പരേതനായ മുഹമ്മദിന്റെ മകൻ ഹാരിസ് (27) ആണ് മരിച്ചത്.

പോസ്റ്റ്‌മോർട്ടം നടപടിക്രമങ്ങൾക്ക് ശേഷം ഓമശ്ശേരി ചോലക്കൽ റഹ്മാനിയ ജുമാ മസ്ജിദിൽ ഖബറടക്കും. ഓമശ്ശേരിയിലെ എസ് എസ് എഫ് പ്രവർത്തകനായിരുന്നു്. കഴിഞ്ഞ ഞായറാഴ്ച വൈകീട്ട് നായാടാംപൊയിൽ പെരുമ്പൂള റോഡിൽ വെച്ചാണ് അപകടമുണ്ടായത്. ബ്രേക്ക് നഷ്ടപ്പെട്ടതിനെ തുടർന്ന് നിയന്ത്രണം വിട്ട് ബൈക്ക് കൊക്കയിലേക്ക് മറിയുകയായിരുന്നു. മാതാവ്: സൈനബ. സഹോദരങ്ങൾ: ഡോ. സലാം സഖാഫി, അബ്ദുറഹ്മാൻ, ജാബിർ സഖാഫി.