സ്കൂളിൽ ഉച്ചഭക്ഷണം തയാറാക്കുന്നതിനിടെ സാരിയിൽ തീപിടിച്ച് പാചകക്കാരി മരിച്ചു

ആലപ്പുഴ: സ്കൂളിൽ പാചകം ചെയ്യുന്നതിനിടയിൽ സാരിക്ക് തീ പിടിച്ച് പാചക തൊഴിലാളി സ്ത്രീ മരിച്ചു. കൈനടിയിൽ സ്‌കൂളിലുണ്ടായ അപകടത്തിലാണ് പാചക തൊഴിലാളി മരിച്ചത്. കിഴക്കേ ചേന്നങ്കരി സെൻ്റ് ആൻ്റണീസ് എൽപി സ്‌കൂളിലെ താത്കാലിക തൊഴിലാളി മേരി (65) ആണ് മരിച്ചത്.
ഇന്ന് സ്‌കൂളിൽ ഉച്ചഭക്ഷണം പാകം ചെയ്യുന്നതിനിടെ സാരിക്ക്തീപിടിച്ചപ്പോൾ ഭയന്നോടിയ മേരി തലയടിച്ച് വീണാണ് മരിച്ചതെന്നാണ് പ്രാഥമിക വിവരം. ഉച്ചയ്ക്ക് 12.45 ഓടെ കുട്ടികൾഭക്ഷണത്തിനായിപാചകപ്പുരയിൽ എത്തിയപ്പോഴാണ് മേരി തറയിൽ വീണ് കിടക്കുന്നത് കണ്ടത്. അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. തുടർന്ന് പൊലീസിൻ്റെ ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം കോട്ടയം മെഡിക്കൽ കോളേജ്ആശുപത്രിയിലേക്ക് മാറ്റി. പോസ്റ്റ്മോർട്ടം അടക്കം നിയമപരമായ നടപടിക്രമങ്ങൾക്ക് ശേഷം മൃതദേഹം ബന്ധുക്കൾക്ക് വിട്ടുകൊടുക്കും.