ആലപ്പുഴയിൽ ഹൗസ് ബോട്ടിൽ നിന്ന് വീണ് യുവാവ് മരിച്ചു 

ആലപ്പുഴ:- ഹൗസ് ബോട്ടിൽ പൂർവ്വ വിദ്യാർത്ഥി സംഗമം നടക്കുന്നതിനിടെ കായലിൽ വീണ് യുവാവ് മരിച്ചു. ആലപ്പുഴ കരളകം വാർഡിൽ തൈ വീട് സന്തോഷ് (48) ആണ് മരിച്ചത്. കൈനകരിയിൽ ചാവറ ജെട്ടിക്ക് സമീപത്ത് വച്ചാണ് അപകടം ഉണ്ടായത്. 1990-91 എസ് എസ് എൽ സി ബാച്ചിലെ പൂർവ്വ വിദ്യാർത്ഥികളുമായുള്ള യാത്രക്കിടെയാണ് ഇയാൾ വെള്ളത്തിൽ വീണത്. ഫയർഫോഴ്സ് എത്തി തെരച്ചിൽ നടത്തി. കൈനകരി ചാവറ ഭവൻ ജെട്ടി ഭാഗത്ത് വെച്ചാണ് മൃതദേഹം കണ്ടെത്തിയത്