കൊച്ചി: നടി നിഖില വിമലിന്റെ സഹോദരി അഖില വിമല് സന്യാസം സ്വീകരിച്ചു. കുറച്ചു ദിവസങ്ങള്ക്ക് മുന്പ് സന്യാസ വേഷത്തിലുള്ള ഒരു ചിത്രം അഖില സമൂഹ മാധ്യമത്തില് പങ്കുവച്ചിരുന്നു. അഖില എന്തുകൊണ്ട് ഇത്തരമൊരു ചിത്രം പങ്കുവച്ചു എന്ന സോഷ്യല് മീഡിയയുടെ അന്വേഷണം ഇപ്പോള് എത്തിനില്ക്കുന്നത് അഖിലയുടെ ഗുരുവായ അഭിനവ ബാലാനന്ദഭൈരവയുടെ ഫെയ്സ്ബുക്ക് കുറിപ്പിലാണ്. ജൂനാ പീഠാധീശ്വര് ആചാര്യ മഹാ മണ്ഡലേശ്വര് സ്വാമി അവധേശാനന്ദ ഗിരി മഹാരാജില് നിന്നും എന്റെ ശിഷ്യയായ അഖില ഇന്ന് അവന്തികാ ഭാരതി എന്ന നാമത്തിലേക്ക് എത്തി എന്നാണ് അഭിനവ ബാലാനന്ദഭൈരവ കുറിച്ചത്. അഭിനവ പങ്കുവച്ച ഗുരുവിനൊപ്പമുള്ള ചിത്രത്തില് സന്യാസ വേഷത്തില് കാവി തലപ്പാവ് ധരിച്ചിരിക്കുന്ന അഖിലയെയും കാണാം.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group