മലപ്പുറം – മേലാറ്റൂര്‍ ടൗണില്‍ തുണിക്കടയില്‍ തീപിടിച്ച് ലക്ഷങ്ങളുടെ നാശനഷ്ടം. മണ്ണാര്‍ക്കാട് റോഡിലെ പെട്രോള്‍പമ്പിന്? മുന്‍വശത്തുള്ള ബ്ലൂ ഫോര്‍ എം എന്ന മെന്റ്‌സ് ഷോപ്പിലാണ് തീപിടിത്തമുണ്ടായത്. ബുധനാഴ്ച രാവിലെ 6.30നാണ് സംഭവം.
മേലാറ്റൂര്‍ ഏപ്പിക്കാട് സ്വദേശിയായ കെ.കെ. നൗഷാദിന്റെ ഉടമസ്ഥതയിലുള്ള സ്ഥാപനം ദിവസങ്ങള്‍ക്ക്? മുമ്പാണ് നവീകരിച്ചത്. തീപിടിത്തത്തില്‍ വസ്ത്രശാലയുടെ മുകള്‍നിലയിലെ സാധനങ്ങള്‍ പൂര്‍ണമായും കത്തിനശിച്ചു. താഴത്തെ നിലയില്‍ ഗ്ലാസുകള്‍ പൊട്ടി. പെരിന്തല്‍മണ്ണയില്‍ നിന്നെത്തിയ അഗ്‌നിശമന തീയണച്ചതിനാല്‍ കൂടുതല്‍ കടകളിലേക്ക് തീപടര്‍ന്നില്ല. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് നിഗമനം.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group