ന്യൂഡൽഹി– ഇന്ത്യയിലെ പരമോന്നത ചലച്ചിത്ര ബഹുമതിയായ ദാദാസാഹേബ് ഫാല്‍ക്കെ പുരസ്കാരം പത്മശ്രീ മോഹന്‍ലാലിന്. 2023 ലെ പുരസ്‌കാരത്തിനാണ് താരം അര്‍ഹനായതെന്ന് ഔദ്യോഗിക വൃത്തങ്ങൾ അറിയിച്ചു. ഇതോടെ പ്രമുഖ സംവിധായകൻ അടൂർ ഗോപാലകൃഷ്ണന് ശേഷം ദാദാസാഹേബ് പുരസ്കാരം ലഭിക്കുന്ന രണ്ടാമത്തെ മലയാളി എന്ന ബഹുമതി കൂടി സ്വന്തമാക്കിയിരിക്കുകയാണ് മോഹൻലാൽ. ഈ മാസം 23ന് ന്യൂഡൽഹിയിൽ നടക്കുന്ന ദേശീയ ചലച്ചിത്ര പുരസ്‌കാര വിതരണ ചടങ്ങില്‍ വെച്ച് അവാർഡ് സമ്മാനിക്കും.
ഇന്ത്യന്‍ ചലച്ചിത്രത്തിന്റെ പിതാവ് എന്നറിയപ്പെടുന്ന ദാദാസാഹേബ് ഫാല്‍ക്കെയുടെ സ്മരണാര്‍ത്ഥം 1969 മുതലാണ് കേന്ദ്രസര്‍ക്കാര്‍ ഏറ്റവും വലിയ ചലച്ചിത്ര പുരസ്‌കാരമായി ദാദാസാഹേബ് ഫാല്‍ക്കെ പുരസ്കാരം നൽകി വരുന്നത്. 2004ലാണ് ലോക പ്രശസ്തനായ മലയാളി സംവിധായകൻ അടൂര്‍ ഗോപാലകൃഷ്ണനെ ഈ പുരസ്കാരം തേടിയെത്തിയത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group