വീണ്ടും സംഘർഷ ഭൂമിയായി മണിപ്പൂർ; 11 കുക്കികളെ വെടിവെച്ചു കൊന്നു

• പോലീസ് സ്റ്റേഷനു നേരെ ആക്രമണം നടത്തിയ കുക്കികളെ സി.ആർ.എപി.എഫ് വെടിവെച്ചു കൊന്നതായി റിപോർട്ട്

ന്യൂഡൽഹി: ഇടവേളക്കുശേഷം വീണ്ടും സംഘർഷ ഭൂമിയായി മണിപ്പൂർ. മണിപ്പൂരിലെ ജിരിബാമിലുണ്ടായ ഏറ്റുമുട്ടലിൽ 11 കുക്കികളെ സി.ആർ.എപി.എഫ് വെടിവെച്ചു കൊന്നു. ഒരു സി.ആർ.പി.എഫ് ജവാന് പരുക്കേറ്റു.

ആയുധങ്ങളുമായി ജിരിബാമിലെ പോലീസ് സ്റ്റേഷനു നേരെ കുക്കികൾ ആക്രമണം നടത്തിയതോടെയാണ് സി.ആർ.പി.എഫ് വെടിയുതിർത്തതെന്നാണ് റിപോർട്ട്. ഉച്ചയ്ക്ക് 2.40-ഓടെയാണ് സ്റ്റേഷനു നേരെ ആക്രമണമുണ്ടായത്. കുകിഹമാർ സമുദായത്തിൽ നിന്നുള്ളവരാണ് ആക്രമണം നടത്തിയതെന്നാണ് പറയുന്നത്.