ന്യൂഡല്‍ഹി– സുപ്രീംകോടതിയുടെ ചീഫ് ജസ്റ്റിസായി ജസ്റ്റിസ് ബി.ആര്‍ ഗവായി ചുമതലയേറ്റു. രാഷ്ട്രപതി ഭവനില്‍ നടന്ന ചടങ്ങില്‍ പ്രധാനമന്ത്രി നരേന്ദ്ര മോദി, പ്രതിപക്ഷ നേതാവ് രാഹുല്‍ ഗാന്ധി, ഉപരാഷ്ട്രപതി ജഗദീപ് ധന്‍കര്‍, രാഷ്ട്രപതി ദ്രൗപതി മുര്‍മു എന്നിവര്‍ പങ്കെടുത്തു. രാഷ്ട്രപതി അദ്ദേഹത്തിന് സത്യവാചകം ചൊല്ലിക്കൊടുത്തു.
മുൻ ചീഫ് ജസ്റ്റിസ് സഞ്ജീവ് ഖന്ന മെയ് 13ന് വിരമിച്ചിരുന്നു. കേരളത്തില്‍ നിന്നുള്ള കെ.ജി ബാലകൃഷ്ണന് ശേഷം ദളിത് വിഭാഗത്തില്‍ നിന്നും സുപ്രീംകോടതി ചീഫ് ജസ്റ്റിസ് പദവിയിലെത്തുന്ന രണ്ടാമത്തെ വ്യക്തിയാണ് ബി. ആര്‍ ഗവായി. 2025 നവംബര്‍ 23ന് ബി. ആര്‍ ഗവായി വിരമിക്കും. 2019ലാണ് ഇദ്ദേഹം സുപ്രീംകോടതി ജഡ്ജിയാകുന്നത്. റിപ്പബ്ലിക്കന്‍ പാര്‍ട്ടി നേതാവും കേരള മുന്‍ ഗവര്‍ണറുമായ ആര്‍. എസ് ഗവായിയുടെ മകനാണ് ജസ്റ്റിസ് ബി. ആര്‍ ഗവായി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group