ബംഗളൂരു– AFC U20 വനിതാ ഏഷ്യൻ കപ്പ് 2026-ന്റെ യോഗ്യതാ മത്സരങ്ങൾക്കുള്ള ഇന്ത്യൻ അണ്ടർ-20 വനിതാ ടീമിനെ ഓൾ ഇന്ത്യ ഫുട്ബോൾ ഫെഡറേഷൻ (AIFF) പ്രഖ്യാപിച്ചു. ഓഗസ്റ്റ് 6 മുതൽ 10 വരെ മ്യാൻമറിലെ യാങ്കൂണിൽ നടക്കുന്ന ഗ്രൂപ്പ് ഡി മത്സരങ്ങളിലാണ് ഇന്ത്യ പങ്കെടുക്കുന്നത്.
ഇന്ത്യയുടെ ആദ്യ മത്സരം ഓഗസ്റ്റ് 6ന് ഇന്തോനേഷ്യക്കെതിരെ, തുടർന്ന് ഓഗസ്റ്റ് 8ന് തുർക്ക്‌മെനിസ്ഥാനും, ഓഗസ്റ്റ് 10ന് ആതിഥേയരായ മ്യാൻമറും ആയിരിക്കും എതിരാളികൾ. എല്ലാ മത്സരങ്ങളും തുവണ്ണ സ്റ്റേഡിയത്തിലാണ് നടക്കുന്നത്.
ഗ്രൂപ്പ് ജേതാക്കളും എട്ട് ഗ്രൂപ്പുകളിലെയും മികച്ച മൂന്ന് രണ്ടാം സ്ഥാനക്കാരും 2026 ഏപ്രിലിൽ തായ്ലൻഡിൽ നടക്കുന്ന ഫൈനൽ ടൂർണമെന്റിലേക്കുള്ള യോഗ്യത നേടും.
ജോവാക്കിം അലക്‌സാണ്ടർസന്റെ പരിശീലനത്തിൽ ടീം ബംഗളൂരുവിലെ പദുക്കോൺ-ദ്രാവിഡ് സെന്റർ ഫോർ സ്പോർട്സ് എക്‌സലൻസിലാണ് പരിശീലനം നടത്തുന്നത്. അടുത്തിടെ ഉസ്‌ബെക്കിസ്ഥാനിൽ നടന്ന സൗഹൃദ മത്സരങ്ങളിൽ ഇന്ത്യ മികച്ച പ്രകടനം കാഴ്ചവെച്ചിരുന്നു – ആദ്യ മത്സരം 1-1 എന്ന സമനിലയിലായപ്പോൾ രണ്ടാം മത്സരം ഇന്ത്യ 4-1ന് വിജയിച്ചു.
ഇന്ത്യയുടെ 23 അംഗ സ്ക്വാഡ്:
ഗോൾകീപ്പർമാർ:
മെലോഡി ചാനു കൈഷാം, മോണാലിസ ദേവി മോയിരംതേം, റിബാൻസി ജമു
പ്രതിരോധനിര:
അലീന ചിംഗാഖം, സിൻഡി റെമുവാത്പുയി കൊൽനി, ജൂഹി സിംഗ്, നിഷിമ കുമാരി, റെമി തോക്ചോം, സഹീന ടി.എച്ച്., ശുഭാംഗി സിംഗ്, തോയ്ബിസാന ചാമ്പു തോയ്ജം, വിക്സിത് ബാര
മധ്യനിര:
അഞ്ജു ചാനു കായെൻപൈബാം, അരീന ദേവി നെമൈമാക്‌പാം, ഭൂമിക ദേവി ഖുമുകാച്ചം, മോണിഷ സിംഗ്, നേഹ, പൂജ
മുന്നേറ്റനിര:
ബബിത കുമാരി, ദീപിക പാൽ, ഖുശ്‌ബു കാശിറാം സരോജ്, സിബാനി ദേവി നോംമൈകാപാം, സുലഞ്ചന റാൾ
പരിശീലക സംഘം:
ഹെഡ് കോച്ച്: ജോവാക്കിം അലക്‌സാണ്ടർസൺ
അസിസ്റ്റന്റ് കോച്ച്: പരോമിത സിറ്റ്
ഗോൾകീപ്പർ കോച്ച്: ഹമീദ് കെ.കെ.
സ്ട്രെംഗ്‌ത്ത് & കണ്ടീഷനിംഗ് കോച്ച്: കരൺ മാനെ
ഇന്ത്യൻ ടീമിന്റെ മത്സ്യക്രമം (IST):
ഓഗസ്റ്റ് 6: ഇന്ത്യ vs ഇന്തോനേഷ്യ – രാത്രി 6:00
ഓഗസ്റ്റ് 8: തുർക്ക്‌മെനിസ്ഥാൻ vs ഇന്ത്യ – രാത്രി 6:00
ഓഗസ്റ്റ് 10: മ്യാൻമർ vs ഇന്ത്യ – വൈകുന്നേരം 3:00
വിശ്വാസത്തോടെ തായ്ലൻഡിലേക്ക് മുന്നേറാൻ വേണ്ടി ഇന്ത്യ ഈ യോഗ്യതാ റൗണ്ടിൽ മികച്ച പ്രകടനം കാഴ്ചവെക്കുമെന്ന് ആരാധകർ പ്രതീക്ഷിക്കുന്നു.