ഷാര്‍ജ: ഗള്‍ഫിലേയും യുണൈറ്റഡ് അറബ് എമിറേറ്റ്‌സിന്റേയും പുരാവൃത്ത പൈതൃകത്തില്‍ മുഖ്യസ്ഥാനമുള്ള ഷാര്‍ജ ഫയ പാലിയോലാന്‍ഡ്‌സ്‌കേപ് യുനെസ്‌കോയുടെ ഹെഡ്‌സില്‍ പ്രോഗ്രാമില്‍ തുടര്‍ച്ചയായ പതിനൊന്നാം വര്‍ഷവും ഇടം കരസ്ഥമാക്കി. മനുഷ്യര്‍ എങ്ങിനെ മരുഭൂമിയില്‍ ജീവിച്ചുവെന്നും വളര്‍ന്നുവെന്നും എങ്ങിനെ വ്യത്യസ്തമായ ഒരു സംസ്‌കാരം രൂപപ്പെട്ടുവെന്നുമുള്ള തെളിവുകള്‍ ഫയയിലൂടെ ലഭ്യമാവുന്നു.
ഫയയുടെ രാജ്യാന്തര അംഗീകാരം യുഎഇയുടെ മികച്ച പൈതൃക സംരക്ഷണത്തിനും ശാസ്ത്രീയ ദൗത്യത്തിനും തെളിവാണെന്ന് ഷാര്‍ജ ഫയ പാലിയോലാന്‍ഡ്‌സ്‌കേപ് സംബന്ധിച്ച പ്രവര്‍ത്തനങ്ങള്‍ക്ക് നേതൃത്വം നല്‍കുന്ന ശൈഖ ബദൂര്‍ ബിന്‍ത് സുല്‍ത്താന്‍ അല്‍ഖാസിമി പറഞ്ഞു.
മനുഷ്യരുടെ ആദിമചരിത്രം തിരിച്ചറിയുന്നതിനുള്ള ഒരു വലിയ നാഴികക്കല്ലാണ് ഫയ എന്ന് ഷാര്‍ജ പുരാവസ്തു അഥോറിറ്റി ഡയരക്ടര്‍ ജനറല്‍ ഈസ യൂസുഫും വ്യക്തമാക്കി. 210,000 വര്‍ഷത്തിലേറെ പഴക്കമുള്ള മനുഷ്യ സാന്നിധ്യത്തിന്റെ രേഖകള്‍ ഉള്‍ക്കൊള്ളുന്ന ഫായ അറേബ്യന്‍ മരുഭൂപ്രദേശങ്ങളിലൂടെ മനുഷ്യന്‍ കടന്നുപോയതല്ലെന്നും വളരുകയും സാംസ്‌കാരിക അടിത്തറ കെട്ടിപ്പടുത്തതായും തിരിച്ചറിയുന്നുണ്ടെന്നും ബന്ധപ്പെട്ടവര്‍ വിശദീകരിച്ചു. യുനെസ്‌കോ ഹെഡ്‌സ് പരിപാടിയുടെ ഭാഗമായി ഈജിപ്തിന്റെ തലസ്ഥാനമായ കൈറോയില്‍ നടന്ന സമ്മേളനത്തിലും ഫയയുടെ ഗവേഷണ വിവരങ്ങള്‍ രാജ്യാന്തര ശ്രദ്ധപിടിച്ചുപറ്റിയിരുന്നു.
https://www.youtube.com/watch?v=wawFcJYGPI8