ദുബായ്: ചെര്‍പ്പുളശ്ശേരി തൂത വീട്ടിക്കാടിലെ കാട്ടുകണ്ടത്തില്‍ അബ്ദുല്‍ റസാഖ് (49) ദുബൈ അല്‍ വര്‍ക്കയില്‍ ഹൃദയാഘാതം മൂലം മരണപ്പെട്ടു. പരേതനായ കാട്ടുകണ്ടത്തില്‍ മമ്മദ് മൊല്ലാക്കയുടെ മകനാണ്. കഫ്‌ത്തേരിയ ജോലിക്കാരനായിരുന്നു. രണ്ട് മാസം മുമ്പാണ് അവസാനമായി നാട്ടില്‍ വന്നു തിരിച്ചു പോയത്. പാത്തുമ്മക്കുട്ടിയാണ് മാതാവ്. ഭാര്യ: ചിറത്തൊടി നസീറ. മക്കള്‍: മിദ്ലാജ്, വഫ, സലാഹുദ്ദീന്‍. നിയമനടപടികള്‍ പൂര്‍ത്തിയാക്കി മൃതദേഹം നാട്ടിലേക്ക് കൊണ്ടുപോകാനുള്ള ശ്രമങ്ങള്‍ നടക്കുന്നു.
ട്രാഫിക്ക് പിഴകളിൽ 35% വരെ ഡിസ്കൗണ്ട് പ്രഖ്യാപിച്ച് ഷാർജ .
ഷാർജ ഡെപ്യൂട്ടി ഗവർണ്ണറും എക്സിക്യൂട്ടീവ് കൗൺസിൽ ഡെപ്യൂട്ടി ചെയർമാനുമായ ഷെയ്ക് അബ്ദുള്ള ബിൻ സാലം ബിൻ സുൽത്താൻ അൽ ഖാസിമിയുടെ അധ്യക്ഷതയിൽ ചേർന്ന ഷാർജ എക്സിക്യുട്ടിവ് കൗൺസിൽ യോഗത്തിലാണ് ഈ പദ്ധതി പ്രഖ്യാപിച്ചത്.
നിയമലംഘനം നടന്ന് 60 ദിവസത്തിന് ശേഷവും ഒരു വർഷത്തിന് മുമ്പ് പണമടച്ചാൽ 25% ഡിസ്കൗണ്ട് ലഭിക്കും. “ഗുരുതരമായത്” എന്ന് തരംതിരിച്ചിരിക്കുന്ന കുറ്റകൃത്യങ്ങൾ ഒഴികെ, മിക്ക തരത്തിലുള്ള ഗതാഗത നിയമലംഘനങ്ങൾക്കും കിഴിവ് ബാധകമാണ്.
വാഹന ഉടമകൾ രണ്ട് മാസത്തിനുള്ളിൽ പിഴ അടയ്ക്കുന്ന സാഹചര്യത്തിൽ 35 ശതമാനം ഇളവ് ലഭിക്കും. പിഴയ്ക്ക് മാത്രമല്ല, വാഹനം കണ്ടുകെട്ടൽ കാലാവധി, പിടിച്ചെടുത്ത ഫീസ്, വൈകിയ പേയ്‌മെന്റ് പിഴകൾ എന്നിവയ്ക്കും 35 ശതമാനം കിഴിവ് ബാധകമാണ്.
