അബുദാബി: അജാനൂര്‍ പറക്കാട്ട് വീട്ടില്‍ കെ.ഹസ്സന്‍ മാസ്റ്റര്‍ (84) അബുദാബിയിൽ നിര്യാതനായി. .കുടുംബത്തെ സന്ദര്‍ശിക്കാന്‍ അബുദാബിയിലെത്തിയ ഹസൻ മാസ്റ്റര്‍ അസുഖബാധിതനായി ഷെയ്ഖ് ഖലീഫ മെഡിക്കൽ സിറ്റിയിൽ ചികിത്സയിലായിരുന്നു. അധ്യാപക അവാര്‍ഡ് ജേതാവാണ്. അജാനൂര്‍ പഞ്ചായത്ത് മുസ്‌ലിം ലീഗ് മുന്‍ സെക്രട്ടറിയും കാഞ്ഞങ്ങാട് യതീംഖാന, ക്രസന്റ് സ്‌കൂള്‍ കമ്മിറ്റി അംഗവുമായിരുന്നു.
പ്രമുഖ കായിക സംഘാടകനും ശ്രദ്ധേയനായ വോളിബോള്‍ കമന്റേറ്ററുമായിരുന്ന ഹസ്സന്‍ മാസ്റ്റര്‍ അജാനൂർ, പള്ളിക്കര, ചെമ്മനാട്, കാസർകോട് തളങ്കര, ഹോസ്ദുർഗ് എന്നിവിടങ്ങളിൽ അധ്യാപകനായിരുന്നു. ഭാര്യ: ഫാത്തിമത്ത് സുഹറ. മക്കൾ: ഷബീർ, ഷജീർ, ഡോ. ഷബ്ന (മൂവരും അബുദാബി), ഡോ. ഷഹിൻ (ദുബായ്).
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group