ദുബൈ– ലോകപ്രശസ്ത വിനോദസഞ്ചാര കേന്ദ്രമായ ദുബൈ പാം ജുമൈറയിൽ ഇറാന്റെ ഷാഹെദ് ഡ്രോൺ പതിച്ച് വൻ സ്ഫോടനം. ആക്രമണത്തിൽ നാല് പേർക്ക് പരിക്കേറ്റതായി വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തു. പാം ജുമൈറയിലെ ജനവാസ മേഖലയിൽ ഡ്രോൺ വീഴുന്നതിന്റെയും തുടർന്ന് വൻ തീഗോളമായി മാറുന്നതിന്റെയും ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. ആഡംബര റിസോർട്ടുകൾക്കും വില്ലകൾക്കും പേരു കേട്ട പാം ജുമൈറയിലെ ഒരു കെട്ടിടത്തിന് ഡ്രോൺ ആക്രമണത്തെത്തുടർന്ന് തീപിടിച്ചു. സ്ഫോടന ശബ്ദം കേട്ട് ജനങ്ങൾ പരിഭ്രാന്തരായി. നിലവിൽ പാം ജുമൈറയിലെ തീ നിയന്ത്രണവിധേയമാണെന്ന് ദുബൈ മീഡിയ അറിയിച്ചു. സംഭവസ്ഥലത്ത് അടിയന്തര രക്ഷാസേന ക്യാമ്പ് ചെയ്യുന്നുണ്ട്.
NEW: Video shows a fire at a building on Dubai's Palm Jumeirah following retaliatory attacks by Iran against several neighboring countries.
— Fox News (@FoxNews) February 28, 2026
The nation is home to a major U.S. military base and was targeted by multiple Iranian missiles. pic.twitter.com/aLicreaW8V