സകാക്ക: അല്‍ജൗഫ് പ്രവിശ്യയിലെ മെയിന്‍ റോഡില്‍ സ്ത്രീവേഷം ധരിച്ച് സാഹസികമായി വാഹനാഭ്യാസ പ്രകടനം നടത്തിയ യുവാവിനെ അല്‍ജൗഫ് പോലീസ് അറസ്റ്റ് ചെയ്തു. സ്വന്തം ജീവനും മറ്റുള്ളവരുടെ ജീവനും അപകടത്തിലാക്കി പര്‍ദയും ശിരോവസ്ത്രവും മുഖാവരണവും ധരിച്ച യുവാവ് വാഹനാഭ്യാസ പ്രകടനം നടത്തുന്നതിന്റെ ദൃശ്യങ്ങള്‍ അടങ്ങിയ വീഡിയോ സാമൂഹികമാധ്യമങ്ങളില്‍ പ്രചരിച്ചിരുന്നു. ഇത് ശ്രദ്ധയില്‍ പെട്ട് അന്വേഷണം നടത്തിയാണ് നിയമ ലംഘകനെ തിരിച്ചറിഞ്ഞ് അറസ്റ്റ് ചെയ്തത്.
സ്ത്രീവേഷത്തില്‍ നിയമ ലംഘനം നടത്തിയത് യുവതിയല്ലെന്നും യുവാവാണെന്നും അന്വേഷണത്തില്‍ വ്യക്തമാവുകയായിരുന്നു. ട്രാഫിക് നിയമം അനുസരിച്ച ശിക്ഷാ നടപടികള്‍ സ്വീകരിക്കാന്‍ പ്രതിയെ പിന്നീട് ബന്ധപ്പെട്ട വകുപ്പിന് കൈമാറി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group