മമ്മൂട്ടിയുടെ ടർബോ ജോസിനെ ഏറ്റെടുത്ത് സൗദിയിലെ മമ്മൂട്ടി ഫാൻസ് അസോസിയേഷൻ

ജിദ്ദ-തിയറ്ററുകളെ അടിമുടി ഇളക്കിമറിച്ച മെഗാസ്റ്റാർ മമ്മൂട്ടിയുടെ ടർബോ സിനിമയെ ആഘോഷമാക്കി സൗദി അറേബ്യയിലെ മമ്മൂട്ടി ഫാൻസ് അസോസിയേഷൻ. ജിദ്ദയിലും റിയാദിലും ദമാമിലും മമ്മൂട്ടി ഫാൻസ് അസോസിയേഷൻ ആഘോഷം ഗംഭീരമാക്കി. കേക്ക് മുറിച്ചാണ് ടർബോ ജോസിന്റെ വരവ് ഫാൻസ് ആഘോഷിച്ചത്. ജിദ്ദ ആന്ദലൂസ് മാളിലെ എംപയർ തിയറ്ററിൽ നടന്ന ആഘോഷത്തിൽ നിരവധി പേർ പങ്കെടുത്തു.

ജിദ്ദയിൽ സിനിമാ നിർമ്മാതാവ് നൗഷാദ് ആലത്തൂർ കേക്ക് മുറിച്ച് ഉദ്ഘാടനം ചെയ്തു. മമ്മൂട്ടി ഫാൻസ് അസോസിയേഷൻ സൗദി നാഷണൽ കമ്മിറ്റി ജനറൽ സെക്രട്ടറി ഗഫൂർ ചാലിൽ പ്രസംഗിച്ചു.

ജിദ്ദ സെക്രട്ടറി ഷിനോഫർ പള്ളിക്കൽ, ഹംസ മനു, ഫവാസ്, ടി.ടി അഷ്‌റഫ് തുടങ്ങിയവരും എക്സിക്യൂട്ടിവ് അംഗങ്ങളും പങ്കെടുത്തു. റിയാദിൽ സൗദി നാഷണൽ കമ്മിറ്റി സെക്രട്ടറി നൗഷാദ് അക്കരെയുടെ നേതൃത്വത്തിൽ സിനിമയെ വരവേറ്റു.