മക്ക – വിശുദ്ധ ഹറമിലെ തിരക്ക് കുറക്കാന്‍ തീര്‍ഥാടകര്‍ ഹോട്ടലുകളിലെ നമസ്‌കാര സ്ഥലങ്ങള്‍ പ്രയോജനപ്പെടുത്തണമെന്ന് ഹജ്, ഉംറ മന്ത്രാലയം ആവശ്യപ്പെട്ടു. റമദാന്‍ അവസാന പത്തില്‍ ഹോട്ടലുകളിലെ നമസ്‌കാര സ്ഥലങ്ങളില്‍ നമസ്‌കാരം നിര്‍വഹിച്ച് വിശുദ്ധ ഹറമിലെ തിരക്ക് കുറക്കാന്‍ സഹായിക്കണമെന്ന് തീര്‍ഥാടകരോട് എക്‌സ് പ്ലാറ്റ്‌ഫോമിലൂടെ ഹജ്, ഉംറ മന്ത്രാലയം ആവശ്യപ്പെട്ടു.
എസ്‌കലേറ്ററുകളില്‍ വീല്‍ചെയറുകള്‍ ഉപയോഗിക്കരുതെന്നും മന്ത്രാലയം ആവശ്യപ്പെട്ടു. എസ്‌കലേറ്ററുകളില്‍ വീല്‍ചെയറുകള്‍ ഉപയോഗിക്കാതിരിക്കുന്നത് തീര്‍ഥാടകരുടെയും ഒപ്പമുള്ള ആശ്രിതരുടെയും സുരക്ഷ ഉറപ്പുവരുത്തുമെന്ന് മന്ത്രാലയം പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group