റിയാദ് – മനുഷ്യക്കടത്ത് കുറ്റകൃത്യ വിരുദ്ധ നിയമം ലംഘിച്ച രണ്ടു യെമനികളെ സാമൂഹിക സുരക്ഷാ, മനുഷ്യക്കടത്ത് കുറ്റകൃത്യ വിരുദ്ധ വിഭാഗവുമായി സഹകരിച്ച് അറസ്റ്റ് ചെയ്തതായി റിയാദ് പോലീസ് അറിയിച്ചു. റിയാദില്‍ പൊതുചത്വരങ്ങളിലും റോഡുകളിലും ഭിക്ഷാടനം നടത്താന്‍ എട്ടു യെമനി കുട്ടികളെ ചൂഷണം ചെയ്തതിനാണ് ഇരുവരെയും അറസ്റ്റ് ചെയ്തത്. നിയമാനുസൃത നടപടികള്‍ പൂര്‍ത്തിയാക്കി പ്രതികളെ പബ്ലിക് പ്രോസിക്യൂഷന് കൈമാറി. ഇവരുടെ പക്കല്‍ നിന്ന് രക്ഷിച്ച കുട്ടികള്‍ക്ക് ആവശ്യമായ മാനുഷിക സഹായങ്ങള്‍ നല്‍കാന്‍ ബന്ധപ്പെട്ട വകുപ്പുകളുമായി ഏകോപനം നടത്തി നടപടികള്‍ സ്വീകരിച്ചതായും റിയാദ് പോലീസ് അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group