ദമാം- നവോദയ കോബാർ ഏരിയ എക്സികുട്ടീവ് അംഗവും തലാൽ യൂണിറ്റ് സെക്രട്ടറിയും തിരുവനന്തപുരം കാര്യവട്ടം സ്വദേശിയുമായ സാജിം അബൂബക്കർ കുഞ്ഞു (51) അൽ കോബാർ അൽമന ഹോസ്പിറ്റലിൽ നിര്യാതനായി. ഭാര്യ ഷക്കീല, മകൾ സൈന (ഇന്ത്യൻ സ്‌കൂൾ വിദ്യാർത്ഥിനി)
തിരുവനന്തപുരം വെമ്പായത്തെ അബൂബക്കറിന്റെയും ഉമ്മുകുൽസുവിന്റെയും രണ്ട് മക്കളിൽ മൂത്തയാളാണ് സാജിം. സഹോദരി സീന.
കഴിഞ്ഞ 25 വർഷത്തിലധികമായി കോബാറിൽ പ്രവാസിയായിരുന്നു. ഇപ്പോൾ സറാക്കോ കമ്പനിയിൽ ആർക്കിടെക്റ്റ് ആയി ജോലി ചെയ്തു വരികയായിരുന്നു. പത്തു ദിവസം മുമ്പ് നാട്ടിലേക്ക് പോയിരുന്ന സാജിം ഇന്നലെ രാവിലെയാണ് ദമാമിൽ തിരിച്ചെത്തിയത്.
മൃതദേഹം നാട്ടിലെത്തിക്കുന്നതിനുള്ള നടപടിക്രമങ്ങൾ സാമൂഹ്യ പ്രവർത്തകൻ നാസ് വക്കത്തിന്റെ നേതൃത്വത്തിൽ പുരോഗമിക്കുന്നു
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group