റിയാദ് – റിയാദിലെ കോഴിക്കോട്ടുകാരുടെ കൂട്ടായ്മയായ ‘കോഴിക്കോടൻസി’ന്റെ പുതിയ ഭാരവാഹികളെ തിരഞ്ഞെടുത്തു. ഷാജു കെ.സിയാണ് പുതിയ ചീഫ് ഓർഗനൈസർ. നിഹാദ് അൻവർ (അഡ്മിൻ ലീഡ്), കെ.പി റയീസ് (ഫിനാൻസ് ലീഡ്) എന്നിവരാണ് മറ്റു പ്രധാന ഭാരവാഹികൾ. മലസ് അൽമാസ് ഓഡിറ്റോറിയത്തിൽ നടന്ന എക്സിക്യൂട്ടീവ് യോഗത്തിൽ ഫൗണ്ടർ അംഗങ്ങളായ നാസർ കാരന്തൂർ, മിർഷാദ് ബക്കർ, ഫൈസൽ വടകര എന്നിവർ തിരഞ്ഞെടുപ്പ് നിയന്ത്രിച്ചു.
വിവിധ വിഭാഗങ്ങളിലായി മുഹമ്മദ് ആഷിഫ് (പ്രോഗ്രാം), മുഹമ്മദ് ഷഹീൻ (ഫാമിലി), അബ്ദുറഷീദ് പൂനൂർ (ചിൽഡ്രൻ & എജ്യുഫൺ), നിസാം ചെറുവാടി (ബിസിനസ്), അനിൽ മാവൂർ (സ്പോർട്സ്), അൻസാർ കൊടുവള്ളി (ഐ.ടി), സി.ടി സഫറുള്ള (മീഡിയ), മിർഷാദ് ബക്കർ (ഫൗണ്ടർ ഒബ്സർവർ) എന്നിവരെയും തിരഞ്ഞെടുത്തു. മുൻ ചീഫ് ഓർഗനൈസർ കബീർ നല്ലളം പ്രവർത്തന റിപ്പോർട്ടും റാഫി കൊയിലാണ്ടി സാമ്പത്തിക റിപ്പോർട്ടും അവതരിപ്പിച്ചു.
കൂട്ടായ്മയെ ആഗോളതലത്തിലേക്ക് വ്യാപിപ്പിക്കുന്നതിന്റെ ഭാഗമായി രൂപീകരിച്ച ഗ്ലോബൽ ഫോറത്തിന്റെ രൂപരേഖ കോർഡിനേറ്റർ നാസർ കാരന്തൂർ അവതരിപ്പിച്ചു. വിലങ്ങാട് പ്രകൃതി ദുരന്തബാധിതർക്കായി കോഴിക്കോടൻസ് പ്രഖ്യാപിച്ച വീട് നിർമ്മാണത്തിന്റെ പുരോഗതി റാഫി കൊയിലാണ്ടി വിശദീകരിച്ചു. പരിപാടിയിൽ മുനീബ് പാഴൂർ, ഹർഷദ് ഫറോക്ക്, സഹീർ മുഹ്യുദ്ദീൻ, ഷമീം മുക്കം, റംഷി, പ്രഷീദ് എന്നിവർ സംസാരിച്ചു. ചീഫ് ഓർഗനൈസർ ഷാജു കെ.സി നന്ദി പറഞ്ഞു.