റിയാദ് – മാലിന്യ ഫാക്ടറിക്കെതിരെ നടത്തിയ സമരത്തിനിടെ ഉണ്ടായ അക്രമത്തിന്റെ പേര് പറഞ്ഞു പാതിരാത്രിയിലും വീട് കയറി നടത്തുന്ന പോലീസ് നടപടിയിൽ പ്രതിഷേധിച്ച് റിയാദ് കെ.എം.സി.സി. താമരശ്ശേരി അമ്പയത്തോട്ടിലെ ഇറച്ചി പാറയില്‍ പ്രവര്‍ത്തിക്കുന്ന വിവാദ കോഴി മാലിന്യ ഫാക്ടറിക്കെതിരെ നാല് പഞ്ചായത്തിലെ ഇരകള്‍ നടത്തിയ സമരത്തിനിടെയാണ് ആക്രമണമുണ്ടായത്. അക്രമത്തിന്റെ പേര് പറഞ്ഞു നാട്ടുകാരുടെ സമാധാനം തകര്‍ക്കുന്ന രീതിയിലാണ് പോലീസ് നടപടി. ഇത് അവസാനിപ്പിക്കണമെന്ന് റിയാദ് കെ എം സി സി താമരശ്ശേരി പഞ്ചായത്ത് കമ്മിറ്റി പ്രമേയത്തിലൂടെ ആവശ്യപ്പെട്ടു.
പ്രസിഡന്റ് സൈതലവി ഹാജി അവേലത്തിന്റെ അധ്യക്ഷതയില്‍
കൊടുവള്ളി മണ്ഡലം കെ.എം.സി.സി ജനറല്‍ സെക്രട്ടറി എം എന്‍ അബൂബക്കര്‍ ഉദ്ഘാടനം ചെയ്തു. മുസ്ലിം ലീഗ് കോഴിക്കോട് ജില്ലാ പ്രവര്‍ത്തകസമിതി അംഗം പി. പി ഹാഫിസ് റഹ്മാന്‍ മുഖ്യ പ്രഭാഷണം നടത്തി. ആറ് വര്‍ഷമായി നാട്ടുകാര്‍ സമാധാനപരമായി സമരം നടത്തുകയാണ്. അതിനെതിരെ പോലീസിന്റെ ഭാഗത്ത് നിന്നുണ്ടായ പ്രകോപനപരമായ നടപടി തികച്ചും അപലപനീയമാണ്. ഫാക്ടറിയില്‍ നടന്ന അക്രമ സംഭവത്തില്‍ ദുരൂഹത ഒഴിവാക്കാന്‍ ജുഡീഷ്യല്‍ അന്വേഷണം നടത്തണമെന്ന് അദ്ദേഹം ആവശ്യപ്പെട്ടു. പഞ്ചായത്ത് വര്‍ക്കിംഗ് പ്രസിഡന്റ് ഖാലിദ് പള്ളിപ്പുറം പ്രമേയം അവതരിപ്പിച്ചു. റിയാദ് കെഎംസിസി കോഴിക്കോട് ജില്ലാ സെക്രട്ടറി ഫൈസല്‍ പുനൂര്‍, മണ്ഡലം ട്രഷറര്‍ ലത്തീഫ് കട്ടിപ്പാറ, ശാഫി അണ്ടോണ, ശമീര്‍ അണ്ടോണ, ഫൈബീര്‍ അലി എന്നിവര്‍ ആശംസ പ്രസംഗം നടത്തി.
ജനറല്‍ സെക്രട്ടറി ഇസ്മായില്‍ ചെമ്പ്ര സ്വാഗതവും ട്രഷറര്‍ ജംഷിദ് താമരശ്ശേരി നന്ദിയും പറഞ്ഞു. നാസര്‍ അണ്ടോണ, ശാഫി കോരങ്ങാട്, കബീര്‍ കോരങ്ങാട്, നൗഷിദ് പിഞ്ചു, ഹുസൈന്‍കുട്ടി കുടുക്കില്‍, ഷംസുദ്ദീന്‍ പരപ്പന്‍ പൊയില്‍, ആരിഫ് ഖാന്‍, മെഹബൂബ് ഖാന്‍, മിദ്‌ലാജ് അണ്ടോണ എന്നിവര്‍ പങ്കെടുത്തു.